बाँकेमा एक पुरुष होटेलमा मृत अवस्थामा भेटिए

नेपालगन्ज । बाँकेको जानकी गाउँपालिकास्थित नेपालगन्ज- कोहलपुर  सडक खण्डमा रहेको होटेलमा एक पुरुष मृत अवस्थामा फेला परेका छन् ।

जिल्ला प्रहरी बाँकेका अनुसार आज जानकी-६ पिप्रहवास्थित दुलारे गडरीयाको घरमा निर्मला चन्द ठकुरीले सन्चालन गरेको हाईबे होटलको कोठा भित्र अन्दाजी  ३०-३५ वर्षक पुरुष मृत अवस्थामा फेला परेका हुन् ।

मृत्यु हुने पुरुषको पहिचान नखुलेपनि घटनामा संलग्न रहेको आशंका प्रहरीले दुई जनालाई नियन्त्रणमा लिएको जनाएको छ।

जिल्ला प्रहरी बाँकेले मृतक पुरुष पहिचानका लागि चौतर्फी जानकारी गराउदै मृतकका परिवारको खोजतलासमेत सुरु गरेको जनाएको छ।