चीन भूकम्पमा हालसम्म ९ जनाको मृत्यु, कयौं घर भत्किए

काठमाडौं । आज बिहान नेपाल-चीन बोर्डरमा गएको ७.१ को शक्तिशाली भूकम्पमा हालसम्म चीनमा ९ जनाको मृत्यु भएको छ।

चीनको स्थानीय समय ९:०५ र नेपाली ६:५० बजेको समयमा गएको भूकम्पमा कयौं घरहरु भत्किएको अन्तर्राष्ट्रिय समाचार संस्थाले जनाएका छन् । 

आज बिहान गएको भूकम्प चीनको जिजाङ्ग प्रान्तको सिगात्सेस्थित केन्द्रविन्दु बनाएर गएको थियो। ९ जना मृतक सिगोत्सेकै रहेको बताइएको छ।

नेपाल सीमा नजिक केन्द्रविन्दु बनाएर गएको उक्त भूकम्पको धक्का काठमाडौंसहित देशका विभिन्न जिल्लामा महसुस गरिएको थियो।