प्रयागराजको महाकुम्भमा भागदौड मच्चिँदा कैयौंको मृत्यु, ५० बढी घाइते
काठमाडौं । भारत उत्तरप्रदेशस्थित प्रयागराजमा जारी महाकुम्भ मेलामा भागदौड मच्चिँदा हालसम्म कयौंको मृत्यु भएको छ। भागदौडमा हालसम्म कम्तीमा १४ जनाको मृत्यु हुँदा ५० भन्दा बढी घाइते भएको समेत बताइएको छ ।
यद्यपि अहिलेसम्म स्थानीय प्रशासनले मृतक र घाइतेको बारेमा कुनै जानकारी दिएको छैन । भागदौडपछि प्रशासनको अनुरोधअनुसार सबै १३ अखाडामा आज मौनी अमावश्याको अमृत स्नान रद्द गरिएको अखाडा परिषद्का अध्यक्ष रविन्द्र पुरीले बताएका छन् ।
गएराति २ बजेको समयमा एक्कासी भागदौड मच्चिएको हो । मिडिया रिपोर्टअनुसार स्वरुपरानी अस्पतालमा १४ शव पोष्टमार्टमका लागि लगिएको छ ।
मिडिया रिपोर्टअनुसार अफबाह फैलाउँदै भागदौड मच्चिएको थियो । केही महिलाहरु जमीनमा लडेकामा अरुले उनीहरुलाई कुल्चदै अगाडि बढेका थिए । घटनापछि उत्तर प्रदेशका मुख्यमन्त्री योगी आदित्यनाथले महाकुम्भमा आएका भक्तालुसँग विनम्र अनुरोध गर्दै गंगाको जुन घाट नजिक रहेका छन् त्यहीँ स्नान गर्न भनेका छन् ।
प्रशासनको निर्देशन पालना गर्नसमेत उनले विनम्र आग्रह गरेका छन् । उनले ब्यवस्थापनलाई सहयोग गर्नसमेत आग्रह गरेका छन् । उनले कुनै पनि अफबाहको पछि नलाग्नसमेत आग्रह गरेका छन् । यसअघि मंगलबार योगी आदित्यनाथले सबै श्रद्धालुलाई मौनी अमावश्यामा शामेल हुन आग्रह गरेका थिए ।
घटनापछि ७० भन्दा बढी एम्बुलेन्स संगम किनारमा पुगेका थिए । आज मौनी अमावश्याको स्नान भएका कारण करिब पाँच करोड श्रद्धालु सहरमा रहेको अनुमान छ ।
प्रशासनका अनुसार संगमसमेत ४४ घाटमा राति अबेरसम्म ८ देखि १० करोडले डुबकी लगाउने अनुमान गरिएको थियो । तर अप्रिय घटना भएसँगै श्रद्धालुलाई अमृत स्नान गर्न रोक लगाइएको हो ।
घटनापछि भारतीय प्रधानमन्त्री नरेन्द्र मोदी र गृहमन्त्री अमित शाहले मुख्यमन्त्री योगी आदित्यनाथसँग फोन सम्पर्क गरी जानकारी लिएका थिए ।
अध्यक्ष पुरीले घटना गम्भीर भएको भन्दै क्षमा माग्दै आजको सट्टामा अब बसन्त पञ्चमीमा स्नान गर्न आउन पनि आग्रह गरेका छन् । उनले आज जहाँ पवित्र गंगा देखिन्छ त्यहीँ डुबकी लगाउन पनि आग्रह गरेका छन् ।
प्रयागराजमा नेपालबाटसमेत हजारौँ श्रद्धालु पुगेका छन्। मृतकका बारेमा पूर्ण जानकारी नआएकाले उनीहरु को हुन् भन्ने जानकारी पाउन सकिएको छैन । प्रयागराजमा पहिलेदेखि नै घुसपैठको आशंका व्याप्त छ । त्यहा सुरक्षा व्यवस्था कडा पारिएको बताइएको छ।
कोलम्बियामा शक्तिशाली भूकम्प, १३२ जनाको मृत्यु, ५७० घाइते
मंगलबार, साउन २६, २०८३
भारतीय सेना प्रमुख धिरज सेठ नेपाल आउँदै
बिहीबार, साउन २१, २०८३
लेफ्टिनेन्ट जनरल धीरज सेठ सेनाको नयाँ प्रमुख नियुक्त
शनिबार, जेठ ३०, २०८३
कश्मीरमा आफ्नै राइफलबाट गोली पड्किँदा २४ वर्षीय सैनिक जवानको मृत्यु
सोमबार, चैत २३, २०८२- नेपालगञ्जबाट १०७ ग्राम बढी खैरो हेरोइन सहित श्रीमान् -श्रीमती पक्राउ, बिक्री गर्ने क्रममा पक्राउ परेका थिए उनीहरु
- एसपी जिसीको नेतृत्वमा बाँके प्रहरी फेरि देशकै उत्कृष्ट, नौ महिनामा पाँचौँ पटक प्रथम
- एन्फा कोषाध्यक्ष जोशी र लेखापाल पाण्डेलाई थप ४ दिन हिरासतमा राख्न सीआईबीलाई अनुमति
- भोटेकोशी बाढी अपडेट- मृतकको संख्या १ हजार ४५१ पुग्यो, ४ हजार ६५५ अझै बेपत्ता: प्रहरी
- रुपन्देहीबाट १० लाखभन्दा बढी मूल्यको अवैध औषधी तथा किराना सामान सशस्त्र प्रहरीको नियन्त्रणमा
