इरानी जेलबाट ५ जना नेपाली जेलमुक्त, फर्काइए स्वदेश

काठमाडौं । इरानको जेलमा रहेका ५ जना नेपाली जेलमुक्त भएका छन् । विभिन्न कारणले इरानी जेलमा रहेका ५ नेपाली नागरिक जेलमुक्त भएसँगै स्वदेश फर्किएका छन्।

इरानी अदालतले उनीहरूलाई थुनामुक्त गर्ने आदेश दिएपछि तेहरानस्थित नेपाली अवैतनिक वाणिज्यदूत र अन्तर्राष्ट्रिय आप्रवासन संगठनको सहयोगमा उनीहरूलाई नेपाल फिर्ता ल्याइको हो।

यसअघि पनि इजरायल र इरानबीच युद्ध चर्किदा भारत सरकारको सहयोगमा भारतीय नागरिकलाई उद्धार गर्न गएको भारतीय विमान सेवाको उडानबाट विभिन्न मितिमा तीन लटमा गरी ९ नेपाली नागरिकलाई इरानबाट उद्धार गरी स्वदेश फर्काइएको थियो।

परराष्ट्र मन्त्रालयका अनुसार, इजरायल र इरानबीच गत २०२५ जुन १३ मा सुरु भएको द्वन्द्व २०२५ जुन २३ मा युद्धविराम भएपछि शान्तिसुरक्षाको स्थिति सहज हुँदै गएकाले नेपाली नागरिकलाई फिर्ता ल्याउन सम्भव भएको हो।