उत्तराखण्ड बाढीमा अझै २६ नेपाली सम्पर्कविहीन (यस्तो छ नामावली)

काठमाडौं । गत साउन २० र २१ गते भारतको उत्तराखण्डस्थित पौडी गढवाल जिल्ला र  उत्तरकाशीमा आएको बाढीमा हराइरहेका नेपाली नागरिकको सूची सार्वजनिक गरिएको छ।

नयाँ दिल्लीस्थित नेपाली राजदूतावासले हराइरहेका २६ नेपालीको नाम सार्वजनिक गरेको छ।

दूतावासका अनुसार सम्पर्कविहीन हुने नेपालीमा ४५ वर्षीय जनकबहादुर शाही, २५ वर्षीय रवि सिंह, ४० वर्षीय करण बहादुर, रोविन सिंह, गगन बहादुर, गोरख बहादुर, रामबहादुर शाही, हरिबहादुर खड्का रहेका छन्। त्यस्तै थर नखुलेका प्रभात, केशव पनि सम्पर्कविहीन छन्।

निर्मला खड्का,  ६० वर्षीय  लक्ष्मण, २४ वर्षीय सुवास विश्वकर्मा, २४ वर्षकै रमेश, २२ वर्षीया  प्रिया रहेको नेपाली  राजदूतावासले जनाएको छ।