अमेरिकी र इजरायली आक्रमणमा इरानी सर्वोच्च नेता खामेनी मारिएको दाबी

काठमाडौं । डोनाल्ड ट्रम्पले इरानका सर्वोच्च नेता आयतोल्लाह अली खामेनीको मृत्यु भएको दाबी गरेका छन्।

ट्रम्पले सामाजिक सञ्जाल मार्फत  सन्देश जारी गर्दै अमेरिका र इजरायलले तेहरानमा गरेको संयुक्त सैन्य कारबाहीमा खामेनी मारिएको उल्लेख गरेका हुन्। उनले उक्त घटनालाई “न्याय भएको क्षण” भनेर टिप्पणी गरेका छन्, जसले इरानी जनता, अमेरिकी नागरिक तथा विश्व समुदायलाई सन्देश दिएको उनको भनाइ छ।

यसैबीच अन्तर्राष्ट्रिय समाचार एजेन्सीहरुले  पनि खामेनीको मृत्युबारे समाचार प्रकाशन गरेका छन्। ती सञ्चारमाध्यमहरूले इजरायली उच्च अधिकारीलाई उद्धृत गर्दै उक्त दाबी सार्वजनिक गरेका हुन्।

संयुक्त आक्रमणपछि खामेनीको निवास ध्वस्त भएको स्याटेलाइट तस्वीरहरू सार्वजनिक भएको दाबी गरिएको छ। उक्त कारबाही अमेरिका र इजरायलको समन्वयमा तेहरानमा सञ्चालन गरिएको जनाइएको छ। यद्यपि, घटनाबारे स्वतन्त्र पुष्टि भने अझै हुन बाँकी रहेको बताइएको छ।