लागुऔषधले समाजमा विकराल रुप ल्यायो, नियन्त्रणका लागि विशेष कार्यक्रम ल्याउँछौं: गृहमन्त्री
काठमाडौं ।उपप्रधानमन्त्री एवं गृहमन्त्री रवि लामिछानेले लागुऔषधको समस्या विकराल भएको बताएका छन्।
बुधवार लागुऔषध ओसारपसार बिद्धको अन्तर्राष्ट्रिय दिवसका अवसरमा गृह मन्त्रालयले काठमाडौंमा आयोजित गरेको कार्यक्रमलाई सम्बोधन गर्दै उनले लागुऔषधको समस्या विकराल भएको कुरा गृहमन्त्रीको पदभार ग्रहण गरेपछि झनै बढी महशुस गरेको बताए।
उनले लागुऔषधको दुर्व्यसनी युवाहरुलाई फसाइदिइ सकेपछि त्यो देशको दुर्गति शुरु हुने भन्दै सबै मिलेर यसको नियन्त्रणमा लाग्नुपर्ने बताए।
‘युवाहरु देशमा रोजगारी नपाएर विदेश गएका छन्, कयौँ, लागुऔषधको दुव्र्यसनीमा फसेका छन् । यसका लागि जनचेतनामुलक कार्यक्रमहरु पनि चलेका छन् । प्रहरीले पक्राउ गर्ने, रिहाव सेन्टरमा लिने, बिक्री वितरण गर्नेहरुलाई पक्राउ गर्ने कुरा निरन्तर चलि नै रहेको छ । तर यो निरन्तर चलिरहँदा दुव्र्यसनीको संख्या पनि निरन्तर बढी नै रहेको छ,’ उनले भने।
उनले देशमा रोजगारी नपाएर विदेश गएका कतिपय युवाहरु लागुऔषधको दुव्र्यसनीमा फसेको बताए। उनले लागुऔषधको दुव्र्यसनी नियन्त्रणका लागि चलिरहेका अभियानहरुमा पनि कतिपयले इमान्दारितापूर्वक काम नगरेको भन्दै गृह मन्त्रालय नरममा अति नरम र गरममा अति गरम हुने बताए।
'त्यसैले हामीले भन्दै आएका छौं, जो दुर्व्यसनीमा फसेको हुन्छ, त्यसलाई अनदर चान्स, जसले लागुऔषध बेचबिखन गर्दछ, त्यसलाई छोड्दैनौं,’ उनल भने।
उनले लागुऔषधको दुव्र्यसनी नियन्त्रणका लागि गृह मन्त्रालयले विशेष कार्यक्रम बनाउन लागेको पनि जानकारी दिए। यसका लागि राष्ट्रिय नीतिमा काम गरिरहेको र त्यसको ड्राफ्ट बनाइरहेको उनले बताए।
भारतीय सेना प्रमुख धिरज सेठ आज नेपाल आइपुग्दै
आइतबार, साउन ३१, २०८३
प्रमाणबिनाको बेनामी उजुरीको भार: आरोप होइन, प्रमाण बोल्नुपर्छ
शनिबार, साउन ३०, २०८३
पत्रकार किशोर श्रेष्ठको रिहाइको माग गर्दै भद्रकालीमा सञ्चारकर्मीहरूको प्रदर्शन
बिहीबार, साउन २८, २०८३- रेड नोटिसमा रहेका राजवंशी ओमनबाट पक्राउ, नेपाल ल्याइयो
- वैदेशिक रोजगारीका नाममा १७ लाख रुपैयाँ ठगी, दुई जना पक्राउ
- 'मिटरब्याज’ आरोप अस्वीकार गर्दै एसपी काफ्लेले भने- ‘मिडिया ट्रायल गरेर बदनाम गर्न खोजियो’
- दुई वर्षीया नाबालिकाको हत्या,एक जना पक्राउ , अनुसन्धान अगाडि बढायो प्रहरीले
- ईभी गाडीको ठक्करबाट आमा–छोरीको मृत्यु
