ट्रकसँग बस ठोक्किँदा ५ जनाको मृत्यु,१५ जना घाइते

नेपालगन्ज। यात्रुवहाक बस र ट्रक ठोक्किँदा ५ जनाको मृत्यु भएको छ।

भारतको उत्तरप्रदेशस्थित अलिगढमा बस र ट्रक ठोक्किँदा ३ पुरुषसहित ५ जनाको मृत्यु भएको र १५ जना यात्रु घाइते भएको उत्तरप्रदेश प्रहरीले जनाएको छ।

नयाँ दिल्लीबाट आजमगढ आउँदै गरेको निजी यात्रुवहाक बस गएराति ट्रकको पछाडिको भागमा ठोक्किँएर बसमा सवार ५ जनाको मृत्यु भएको हो।

उत्तरप्रदेश प्रहरीका अनुसार मृत्यु हुनेमा तीन जना पुरुष, एक जना महिला र ५ महिने शिशु रहेका छन् ।

प्रहरीले घाइतेहरुको उद्दार गरेर उपचारका लागि अस्पताल पुर्‍याएको छ।