बाघको छाला र विभिन्न अङ्गसहित कपिलवस्तुबाट एक जना पक्राउ

तौलिहवा । कपिलवस्तु प्रहरीले बाघको छालासहित ४१ वर्षीय पुरुषलाई पक्राउ गरेको छ। जिल्ला प्रहरी कपिलवस्तुबाट खटिएको टोलीले जिल्लाको शिवराज नगरपालिका-२ हल्लानगरबाट ४१ वर्षीय विश्नुप्रसाद भट्टराईलाई पक्राउ गरेको हो।

आइतबार साँझ पक्राउ गरेका बुटवल-५ गोलपार्कका भट्टराईको साथबाट प्रहरीले ६ फिट लम्बाइ रहेको बाघको छालासहित बाघको ४ वटा दाह्रा, चारै खुट्टाको नङ्ग्रा बरामद गरेको कपिलवस्तु प्रहरीले जनाएको छ। 

विशेष सूचनका आधारमा गएको टोलले भट्टराईलाई हल्लानगरस्थित करुणा रेस्टुरेन्ट लजबाट पक्राउ गरेको हो भने बाघको छालामा गोली हानेको भेटिएको कपिलवस्तु प्रहरीले जानकारी दिएको छ।

बाघको छाला तथा अङ्गसहित पक्राउ परेकालाई आबश्यक कारबाहीका लागि जिल्ला वन कार्यालय कपिलवस्तु बुझाइएको कपिलवस्तु  प्रहरीले जानकारी दिएको छ।