१४ वर्षीया बालिकालाई बलात्कार गरेको आरोपमा युवक पक्राउ

रूपन्देही। प्रहरीले १४ वर्षीया बालिकालाई बलात्कार गरेको आरोपमा एक युवकलाई पक्राउ गरेको छ।

रुपन्देहीको सैनामैना नगरपालिका-३ सरौली बस्ने २५ वर्षीय सागर थापालाई गए राति १४ वर्षीया बालिकालाई बलात्कार गरेको आरोपमा पक्राउ गरेको हो।

जिल्ला प्रहरी कार्यालय रुपन्देहीका अनुसार सागरले ती बालिकालाई बलात्कार गरेको खबर प्राप्त हुनासाथ इलाका प्रहरी कार्यालय रन्यौराबाट खटिएको प्रहरीले उनलाई पक्राउ गरेको हो ।

प्रहरीले घटना बारेमा थप आवश्यक अनुसन्धान गरिरहेको जानकारी दिएको छ।