नेपालगञ्जको जयसपुर र लालापुरुवाबाट लागुऔषधसहित ४ जना पक्राउ

काठमाडौँ। प्रहरीले नेपालगञ्जबाट ब्राउन सुगरसहित चार जनालाई पक्राउ गरेको छ। प्रहरीले  नेपालगञ्ज उपमहानगरपालिकाभित्र दुई वडाबाट चार जनालाई पक्राउ गरेको जिल्ला प्रहरी बाँकेले जनाएको छ।

जिल्ला प्रहरी बाँकेको टोलीले नेपालगञ्ज  उपमहानगरपालिका-१६ जयसपुरबाट ब्राउनसुगर सहित सोही ठाउँ बस्ने २३ वर्षीय उन्तीयाज अली अन्सारी र २८ वर्षीया साहाना राईलाई पनि पक्राउ गरेको  हो।

त्यसैगरि नेपालगञ्ज उपमहानगरपालगरी-१३ लालापुरुवाबाट कोहलपुर नगरपालिका-२ मनकामना बस्ने २६ वर्षीय शुभम अधिकारी र सोही नगरपालिका-१ कौशिलानगर बस्ने २६ वर्षीय किरण राना मगरलाई खैरो  हेरोइनसहित पक्राउ गरेको जिल्ला प्रहरी बाँकेले जानकारी दिएको छ। 

प्रहरीले उनीहरु चारै जनालाई लागुऔषध कसुरमा थप अनुसन्धान अगाडि बढाएको जनाएको छ।