अपहरण मुद्दामा फरार रहेका भारतीय प्रतिवादी सीमा नाकाबाट पक्राउ

काठमाडौं । प्रहरीले अपहरण तथा शरीर बन्धक मुद्दाका एक भारतीय फरार प्रतिवादीलाई पक्राउ गरेको छ।

पक्राउ पर्नेमा भारतको बिहार सीतामाढी बसबिट्टा बस्ने २२ वर्षीय सुधीर कोईरी रहेको प्रहरी प्रधान कार्यालयले जानकारी दिएको छ। 

रौतहट परोहा नगरपालिका-२ तेजापाकड बस्ने ३० वर्षीय हिरामन महतोलाई २०८० बैशाख ९ गते माधव नारायण नगरपालिका-६ माधोपुरबाट अपहरण गरी भारतमा लगी शरीर बन्धक बनाएर पीडित परिवारसँग फिरौती माग गरेको घटनामा संलग्न रहेर फरार रहेका कोईरीलाई मंगलबार जिल्ला प्रहरी कार्यालय रौतहटले जिल्ला प्रहरी कार्यालय सर्लाहीसँगको समन्वयमा सर्लाहीको सीमा नाकाबाट पक्राउ गरेको प्रहरी प्रधान कार्यालयले जनाएको छ।

प्रहरीले यस सम्बन्धमा आवश्यक अनुसन्धान गरिरहेको छ जानकारी दिएको छ।