मध्यरातमा तुलसीपुरको एनएमबी बैंक लुट्न गएका २७ वर्षीय युवक पक्राउ

तुलसीपुर,दाङ । दाङको तुलसीपुरमा रहेको एनएमबी बैंक लुट्न पुगेका एक युवकलाई मध्यरातमा प्रहरीले पक्राउ गरेको छ। 

तुलसीपुर उपमहानगरपालिका-५ स्थित  बिपी चोकमा रहेको एनएमबी बैंकमा चोरी गर्म पुगेका २७ वर्षीय युवक सन्तोष चौधरीलाई आज मध्यरातको २ बजे विभिन्न सामानसहित पक्राउ गरेको इलाका प्रहरी कार्यालय तुलसीपुरले जानकारी दिएको छ।

तुलसीपुर प्रहरीले तुलसीपुर-१८ दुधरासका सन्तोषले एनएमबी बैंकको ताला फोडी कोलियाबाट भित्र छिरेर  चोरीको प्रयास गदै गरेको अवस्थामा २ बजे पक्राउ गरेको थियो।

प्रहरीले सन्तोषको साथबाट बैंक लुट्न प्रयोग भएका हथौडा, छिनो, पिलास, ह्वाक्सा बिलेड लगायतका सामान बरामद गर्दै चौधरीले प्रयोग गरेको रा ५ प ९७९ नम्बरको स्कुटरलाई नियन्त्रणमा लिएको इलाका प्रहरी कार्यालय तुलसीपुरले जनाएको छ। 

बिपी चोकका स्थानीयले एनएमबी बैंक लुट्न लागेको खबर दिए लगत्तै इलाका प्रहरी कार्यालय तुलसीपुरबाट आएको टोलीले बैंकभित्रबाट पक्राउ गरेको थियो।

इलाका प्रहरी कार्यालय तुलसीपुरले घटनाबारे थप अनुसन्धान सुरु गरिसकेको जानकारी दिएको छ।