काठमाडौं। त्रिभुवन अन्तर्राष्ट्रिय विमानस्थलबाट प्रहरीले सुनसहित एक युवतीलाई पक्राउ गरेको छ।
अवैध रूपमा संकलन गरी लैजान लागेको करिब २४ ग्राम ९ सय ९० सुनको एक थान सिक्री, ३ थान ल्यापटप र २ थान मोबाइल सहित बाग्लुङस्थित निसीखोला गाउँपालिका-९ की २८ वर्षीया सुनिता घर्ती मगरलाई प्रहरीले पक्राउ गरेको प्रहरी प्रधान कार्यालयले जानकारी दिएको छ ।
बाह्य मुलुकबाट काठमाडौं आएका यात्रुलाई भन्सार छली गर्न लगाई अवैध रूपमा संकलन गरी लैजान लागेको उक्त सिक्री, ल्यापटप र मोबाइल सहित त्रिभुवन अन्तर्राष्ट्रिय विमानस्थलको आगमन पार्किङ एरियाबाट प्रहरीले उनलाई पक्राउ गरेको हो।
पक्राउ परेकी उनलाई आवश्यक अनुसन्धान र कारवाहीको लागि त्रिभुवन अन्तर्राष्ट्रिय विमानस्थल भन्सार कार्यालय गौचर पठाइएको प्रहरी प्रधान कार्यालयले जनाएको छ।