संगठनले दिएको जिम्मेवारीलाई उत्कृष्ट रूपले पुरा गर्न प्रहरी प्रमुख कुँवरको निर्देशन

काठमाडौं। प्रहरी प्रमुख  बसन्त बहादुर कुँवरले संगठनले दिएको जिम्मेवारीलाई उत्कृष्ट रूपले पुरा गर्न निर्देशन दिदै प्रहरी कर्मचारीहरू थप सिर्जनशील र उत्प्रेरित हुनुपर्ने बताएका छन् ।

प्रहरी प्रमुख कुँवरले प्रहरी कर्मचारीहरुलाई  निर्देशन दिदै उत्कृष्ट कार्य गर्न जानकारी गराएका हुन् । 

कुँवरले संगठनको कार्ययोजना एवम् लक्ष्यलाई प्राथमिकतामा राखेर संगठनको नीति निर्देशनलाई प्रभावकारी कार्यान्वयन गर्दै सांगठनिक लक्ष्य हासिल गर्न सम्पूर्ण प्रहरी कर्मचारीहरू सक्रिय भई कार्यसम्पादन गर्न निर्देशन दिए । व्यक्तिगत स्वार्थ भन्दा सांगठनिक स्वार्थलाई केन्द्रबिन्दुमा राखेर संगठनलाई थप बलियो र सुदृढ बनाउन चेन अफ कमाण्डभित्र रहेर सामूहिक प्रयासमा केन्द्रीत हुनुपर्ने कुँवरले  बताए । 

प्रहरी प्रमुख  कुँवरले संगठनको नीति र आवश्यकता अनुरूप नै सरूवा हुने उल्लेख गर्दै हालै सरुवा भएका एसएसपी र एसपीलाई नयाँ जिम्मेवारीलाई नविन ढंगले सम्पादन गरी आफूलाई रोल मोडलको रूपमा प्रस्तुत गर्न उपस्थित प्रहरी अधिकृतहरूलाई निर्देशन दिएका हुन्  ।

कुँवरले भने-' आ-आफ्नो जिम्मेवार क्षेत्रहरूमा सुरक्षा व्यवस्थापनको निम्ति आवश्यक सुरक्षा योजना निर्माणका साथै सरोकारवाला सबै पक्षहरूसँग समन्वय र सहकार्य गरी कार्यसम्पादन गर्नुहोला । '