युरोप र अमेरिका लैजाने भन्दै करोड बढी ठगी गर्ने ४ जना पक्राउ

काठमाडौं । बेरोजगार युवायुवतीहरुलाई आकर्षक तलबको प्रलोभनमा पारी युरोप र अमेरिका  लैजाने भन्दै करोडौं रुपैयाँ ठगी गरेको आरोपमा प्रहरीले चार जनालाई पक्राउ गरेको छ।

विदेश पठाउने भन्दै लामो समयसम्म झुक्यानमा राखेर  पश्चात विदेश नपठाई सम्पर्क विहीन भएकोमा पीडितहरुले दिएको जाहेरीका आधारमा  उपत्यका अपराध अनुसन्धान कार्यालयले काठमाडौंका विभिन्न स्थानहरुबाट चार जनालाई पक्राउ गरेर  आबश्यक कारबाहीका लागि वैदेशिक रोजगार विभाग ताहाचल  पठाएको प्रहरी प्रधान कार्यालयले जानकारी दिएको छ।

प्रहरी प्रधान कार्यालयका अनुसार पक्राउ पर्नेमा सल्यानको छत्रेश्वरी गाउँपालिका-६ का २५ वर्षीय सुनिल दसौदी, काभ्रेको  काभ्रेपलाञ्चोक पाँचखाल नगरपालिका-५ का ३१ वर्षीय विकाश दवाडी , गोरखाको शहिदलखन गाउँपालिका-७ का सुरेन्द्र विक र  काठमाडौंको गोकर्णेश्वर नगरपालिका-८ की २४ वर्षीया बिशाखा पौडेल रहेका छन् । 

पक्राउ परेका उनीहरु अमेरिका लगायत युरोपका देशहरुमा पठाउने भन्दै करोडौं रुपैयाँ ठगी गरेको प्रहरी प्रधान कार्यालयले जानकारी दिएको छ।