कर्तव्य ज्यान मुद्दाकी महिला फरार प्रतिवादी १६ वर्षपछि पक्राउ

काठमाडौं। प्रहरीले कर्तव्य ज्यान मुद्दाकी महिला फरार प्रतिवादीलाई १६ वर्षपछि पक्राउ गरेको छ।

पक्राउ पर्नेमा चितवन माडी नगरपालिका-१ घर भई मोरङ विराटनगर महानगरपालिका-३ हलेसी टोल बस्दै आएकी ४१ वर्षीया सरस्वती भन्ने शिवकुमारी सापकोटा रहेकी छिन।

भक्तपुर साबिक नंखेल गाविस-१ काक्राबारीस्थित सडकमा २८ वर्षीया शान्ता घिमिरेलाई २०६५ भदौ २६ गते दिउँसो दाउ प्रहार गरी हत्या गरी फरार रहेकी शिवकुमारीलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं महाराजगन्जबाट पक्राउ गरेको प्रहरी प्रधान कार्यालय जानकारी दिएको छ

शुक्रवार पक्राउ परेकी शिवकुमारीलाई अपराध अनुसन्धान कार्यालयले आवश्यक कारवाहीको जिल्ला अदालत भक्तपुरमा पेश गरेको प्रहरी प्रधान कार्यालयले जानकारी दिएको छ।