काठमाडौंस्थित प्रहरी प्रभाग साँखुको ब्यारेकमै झुन्डिएको अवस्थामा महिला प्रहरी मृत फेला

काठमाडौं । काठमाडौंको साँखुमा प्रहरी ब्यारेकमै एक जना महिला प्रहरी मृत फेला परेकी छिन् । प्रहरी प्रभाव साँखुको प्रहरी ब्यारेकभित्र महिला प्रहरी जवान निशा चौधरी मृत फेला परेकी हुन् ।

जिल्ला प्रहरी परिसर काठमाडौंले जवान चौधरी आज दिउँसो प्रहरी ब्यारेक झुन्डिएको अवस्थामा मृत फेला परेको जानकारी दिएको छ।

निशाको आज बिहान १२ बजेसम्म ड्युटी रहेपनि ११ बजे नै उनी ब्यारेकमा गएकी थिइन् । ब्यारेकभित्र गएको केहीबेरमै उनी पासो लगाएर झुन्डिएको प्रहरीले जानकारी दिएको छ।

यता प्रहरी वृत्त बौद्धले निशा मृत्यु घटनाबारे थप अनुसन्धान सुरु गरेको काठमाडौं प्रहरी परिसरले जनाएको छ।