अनलाइन जुवा भएको स्थानमा प्रहरीको छापा, विभिन्न उपकरणसहित २३ जना पक्राउ

काठमाडौं । प्रहरीले काठमाडौंस्थित बुढानीलकण्ठको एक घरमा छापा मारेको छ।

जिल्ला प्रहरी परिसर काठमाडौंका एसएसपी विश्व अधिकारी नेतृत्वको टोलीले आइतबार साँझ बुढानीलकण्ठको  दुईतले सो घरमा अवैध रूपमा  सट्टेबाजी (अनलाइन जुवा) खेल भइरहेको सूचना पाएर छापा मारेको हो।

सूचनापछि एसएसपी अधिकारी सहितको टोलीले छापा मारेर २३ जनालाई पक्राउ गरेको हो।

प्रहरीले घरबाट ८८ वटा मोबाइल, १० वटा ल्यापटप पनि बरामद गरेको छ।

प्रहरीले नियन्त्रणमा लिएका मोबाइल र ल्यापटपबाट उनीहरूको कारोबारबारे अनुसन्धान गर्ने जिल्ला प्रहरी परिसर काठमाडौंले जनाएको  छ।