प्रहरीका ६० जना इन्स्पेक्टरले लगाए दर्ज्यानी चिन्ह

काठमाडौं। वरिष्ठ प्रहरी नायब निरीक्षक ( वरिष्ठ सई) बाट प्रहरी निरीक्षक (इन्स्पेक्टर) मा बढुवा भएकामध्ये ६० जना प्रहरी अधिकृतले दर्ज्यानी चिन्ह पाएका छन् । 

गृह मन्त्रालयको सचिवस्तरको वैशाख ९ गतेको निर्णय अनुसार इन्स्पेक्टरमा बढुवा भएका ६१ जना मध्ये ६० जनालाई आज प्रहरी महानिरीक्षक (आईजीपी) दिपक थापाले दर्ज्यानी चिन्ह प्रदान गरेका हुन् ।

प्रहरी प्रधान कार्यालयमा आयोजित दर्ज्यानी चिन्ह सुशोभन कार्यक्रमलाई सम्बोधन गर्दै आईजीपी  थापाले दर्ज्यानी चिन्ह पाएका प्रहरी अधिकृतहरूलाई बधाई तथा सफल कार्यकालको शुभकामना व्यक्त फिफै पदोन्नतिसँगै वृद्धि भएको पदीय दायित्व र मर्यादालाई आत्मसाथ गरी संगठनका लागि उच्च मनोबल एवम् सामुहिक भावनाका साथ कार्यसम्पादन गर्न निर्देशन दिएका हुन् ।

दर्ज्यानी चिन्ह सुशोभन समारोहमा प्रहरी अतिरिक्त महानिरीक्षक ( एआईजी) सुदिप गिरी, प्रहरी नायव महानिरीक्षकहरू (डीआईजी, वरिष्ठ प्रहरी अधिकृतहरू लगायत प्रहरी अधिकृत तथा प्रहरी जवानहरूको उपस्थिति रहेको थियो ।