६ वर्ष जेल पाएका लागुऔषध मुद्दाका फरार प्रतिवादी नेपालगञ्जबाट लागुऔषध नियन्त्रण ब्यूरोको नियन्त्रणमा

नेपालगञ्ज । लागुऔषध नियन्त्रण ब्यूरो नेपालगञ्जले लागुऔषध मुद्दामा अदालतबाट दोषी ठहर भई फरार रहेका एक प्रतिवादीलाई पक्राउ गरेको छ।

पक्राउ पर्नेमा बाँकेको नेपालगञ्ज उपमहानगरपालिका–११ का ३३ वर्षीय सलमान जसगढ रहेका छन्। उनलाई गएराति करिब साढे ११ बजे आफ्नै घरबाट पक्राउ गरिएको लागुऔषध नियन्त्रण ब्यूरो शाखा कार्यालय नेपालगञ्जले जनाएको छ।

जिल्ला प्रहरी कार्यालय दाङमा दर्ता भएको  खैरो हेरोइनसम्बन्धि  मुद्दामा  अदालतबाट दोषी ठहर भई ६ वर्ष जेल र ६ हजार रुपैयाँ जरिवाना सजाय सुनाइएपछि सलमान फरार रहेका थिए।

पक्राउ परेका सलमानलाई आवश्यक कानुनी कारबाहीका लागी  जिल्ला प्रहरी कार्यालय बाँके पेश गरिएको लागुऔषध नियन्त्रण ब्यूरो  नेपालगञ्जले जनाएको छ।