लागुऔषधविरुद्ध प्रहरीको कारबाही: शाहरुख खानसहित २० जना पक्राउ

काठमाडौं । नेपाल प्रहरीले लागुऔषधविरुद्ध सञ्चालन गरेको कारबाहीमा  विभिन्न स्थानबाट २० जनालाई पक्राउ गरेको छ।

प्रहरी प्रधान कार्यालयका अनुसार काठमाडौंबाट सन्दिप तामाङ, दाङबाट युवराज बुढा मगर र शिवकुमार यादव, सुनसरीबाट गणेश यादवसहित २ जना, जुम्लाबाट गणेश भण्डारी र रामकृष्ण बोहोरा, रूपन्देहीबाट सराजुदिन खान मुसलमान (शाहरूख खान) र दिवश थारू, मोरङबाट राज राई र नरबहादुर विश्वकर्मा, झापाबाट अनिल धिमाल तथा अल्ताप अन्सारी र सुरज चौधरी, तनहुँबाट कृष्ण आले, सिराहाबाट विरेन्द्र यादव, दिपक कुमार महत्तोसहित २ जना तथा उदगार मुखिया र कपिलवस्तुबाट रहमान मिया पक्राउ परेका हुन्।

उनीहरूको साथबाट करिब ५० किलोभन्दा बढी गाँजा, ब्राउनसुगर, चरेस, डाइजेपाम, बुप्रेनोर्फिन, फेनारगन, स्पास्मो, डाइक्लोमाइन, नाइट्राजेपाम लगायतका लागूऔषध, नगद रकम तथा केही सवारीसाधन बरामद भएको नेपाल प्रहरीले जनाएको छ।

पक्राउ परेकामाथि सम्बन्धित जिल्ला प्रहरी कार्यालयहरूले लागूऔषधसम्बन्धी कसुरमा थप अनुसन्धान गरिरहेका छन्।