कारागारबाट भागेका कैदी १० महिनापछि प्रहरीको नियन्त्रणमा

तुलसीपुर । कारागारबाट भागेका कैदीलाई दाङ प्रहरीले नियन्त्रणमा लिन सफल भएको छ। दाङ प्रहरीका अनुसार जेन्जी आन्दोलनका क्रममा गत भदौ २४ गते तुलसीपुर कारागारबाट भागेका गोबिन्द बिक पक्राउ परेका हुन् ।

जिल्लाको घोराही उपमहानगरपालिका – १३ बनगाउँका ३३ बर्षीय गोरे भनिने गोविन्द विक खोजतलास गर्ने क्रममा असार २७ गते राति साढे ९ बजेतिर आफ्नै घरमा लुकिछिपी बसेको अवस्थामा पक्राउ परेको दाङ प्रहरीले जनाएको छ।

एक जना नाबालिक माथि भएको बालात्कार मुद्दामा जिल्ला अदाल दाङते २०७८-०२-२८ गते बिकलाई दोषी ठहर गर्दै २५ वर्ष कैदको फैसला सुनाएको थियो ।

सोही कैद भुक्तानका लागि कारागारमा सजाय भुक्तान गरि रहेका बिक गत भदौ २४ गते जेन्जी आन्दोलनको नाजायज फाइदा उठाउँदै कारागार कार्यालय तुलसीपुर भित्र तोडफोड गरि फरार भएका थिए ।

जिल्ला प्रहरी प्रबक्ता डिएसपी डा. हेमबहादुर केसीका अनुसार उनलाई गाउँ घरमै लुकिछिपी बसेको अवस्थामा असार २७ गते राति पक्राउ गरिएको हो । हाल प्रहरी हिरासतमा रहेका बिकलाई आज दाङ जिल्ला अदालतमा पेश गरिने भएको प्रहरीले जनाएको छ।