बाढीबाट उद्धार गरिएका २४१ जना त्रिशूलीस्थित सैन्य तालिम केन्द्रमा

काठमाडौँ । रसुवा र नुवाकोटका विभिन्न क्षेत्रमा आएको विनाशकारी बाढीबाट उद्धार गरिएका २४१ जनालाई नुवाकोटस्थित सैन्य तालिम केन्द्रमा राखिएको छ।

बाढीका कारण प्रभावित भएका उनीहरूलाई उद्धारपछि सुरक्षित स्थानमा स्थानान्तरण गरी सैन्य तालिम केन्द्रमा राखिएको प्रहरीले जनाएको छ।

नेपाल प्रहरीका अनुसार बिहीबार दिउँसोसम्म रसुवा र नुवाकोटका विभिन्न स्थानबाट उद्धार गरिएका २४१ जनालाई त्यहाँ राखेर आवश्यक व्यवस्थापन गरिएको हो।