मध्यरातमा बन्दुकसहित पक्राउ परे दुई शिकारी

तुलसीपुर । दाङको तुलसीपुरमा मध्यरातमा भरुवा बन्दुकसहित दुई जना शिकारी पक्राउ परेका छन्।तुलसीपुर उपमहानगरपालिका  ४ सुनवलपुरका ३६ बर्षीय टंककुमार सिजाली र २९ बर्षीय युवराज गिरीलाई शनिबार मध्यराति प्रहरीले स्थानीय जंगल क्षेत्रवाट पक्राउ गरेको हो ।

उनीहरु तुलसीपुर -४ ठूलाखालीस्थित गादीबरा सामुदायिक वन क्षेत्रबाट मध्य रातिमा पक्राउ परेका हुन। उनीहरुको साथबाट एक थान भरुवा बन्दुक र त्यसमा लाग्ने २१ वटा छर्रासमेत बरामद भएको छ ।

पक्राउ पछि उनीहरुलाई इलाका प्रहरी कार्यालय तुलसीपुरको प्रहरी हिरासतमा राखिएको छ । तुलसीपुर प्रहरीले उनीहरु चोरी शिकारी भएको आशंका रहेको जनाएको छ।

इलाका प्रहरी कार्यालय यसबारेमा थप अनुसन्धान भइरहेको जनाएको छ।