अवैध सुनसहित हेटौंडाबाट भारतीय नागरिक पक्राउ

मकवानपुर । मकवानपुर प्रहरीले एक जना भारतीय नागरिकलाई अवैध सुनसहित पक्राउ गरेको छ। 

जिल्ला प्रहरी मकवानपुरको टोलीले हेटौंडाबाट भारतको बिहारस्थित पूर्वी चम्पारण का ३४ वर्षीय सुजित सर्राफलाई ४९०.८८ ग्राम अवैध सुनसहित पक्राउ गरेको हो।

चेकिङका क्रममा प्रहरीले मंगलबार सुजितले खुट्टामा कालो टेपले बेरेर ल्याइरहेको अवस्थामा बिस्कुट आकारको ४ वटा  सुनको टुक्रा, एक थान सानो सुनको टुक्रा र एक थान सुनको सिक्री बरामद गरेको जिल्ला प्रहरीले कार्यालय मकवानपुरले जनाएको छ। 

बिलबिजक नभएर सुनसहित पक्राउ परेका सुजितसँग थप अनुसन्धान गरिरहेको मकवानपुर प्रहरीले जानकारी दिएको छ।