दाङमा ११ वर्षीया बालिका बलात्कारको आरोपमा ४० वर्षीय यादव पक्राउ

दाङ । दाङको राजपुरमा ११ वर्षीया बालिकालाई बलात्कार गरेको आरोपमा ४० वर्षीय पुरूषलाई प्रहरीले पक्राउ गरेको छ।

जिल्ला प्रहरी कार्यालय दाङका अनुसार राजपुर गाउँपालिका-२ का ४० बर्षीय धर्मराज यादवलाई बालिकालाई बलात्कार गरेको आरोपमा शुकवार राति नै  पक्राउ गरिएको हो।

यादवले स्थानीय दुर्गा सामुदायिक वनमा दाउरा लिन जाँदै गरेकी सोही स्थानकी ती बालिकालाई शुक्रबार यादवले आफ्नै घरको कोठामा लगेर बलात्कार गरेको जाहेरी परेको प्रहरीले जनाएको छ।

बालिकाले यादवविरुद्ध दिएको उजुरीका आधारमा इलाका प्रहरी कार्यालय गढवाले  उनलाई पक्राउ गरेर थप अनुसन्धान सुरु गरेको जिल्ला प्रहरी कार्यालय दाङले जनाएको छ।