बाँके प्रहरीको अन्तरक्रिया सम्पन्न,उत्कृष्ट प्रहरी इकाइ इप्रका बैजापुरलाई कदरपत्रले सम्मान

नेपालगन्ज । जिल्ला प्रहरी कार्यालय बाँकेले जिल्लाभरका प्रहरी इकाई प्रमुखहरुसँग सम्पादन गरेका कार्यहरुको समिक्षा लगायतका बिषयमा अन्तरक्रिया गरेको छ।

आज जिल्ला प्रहरी परिसरमा आयोजित अन्तरक्रिया कार्यक्रममा बाँके प्रहरी प्रमुख एसपी तुलबहादुर कार्कीले कर्तव्यनिष्ठ भएर कार्य गर्न जिल्लाभरका सबै इकाई प्रमुखहरुलाई निर्देशन दिएका थिए। साथै एसपी कार्कीले जिल्लाभरमा रहेका प्रहरीका सकल दर्जाका कर्मचारीलाई अवैध तस्करीविरुद्ध लाग्न, अपराध नियन्त्रण लगायत शान्ति सुरक्षा बहालीमा महत्त्वपूर्ण निभाउन निर्देशन समेत दिएका थिए।

कार्यक्रममा गत कात्तिक महिनामा जिल्लाभरका सबै प्रहरी कार्यालयमध्ये उत्कृष्ट भएको इलाका प्रहरी कार्यालय बैजापुरलाई एसपी कार्कीले कदरपत्र प्रदान गरेका थिए।उक्त कदर पत्र एसपी कार्कीद्वारा इलाका प्रहरी कार्यालय बैजापुरका प्रमुख सई भद्र वलीलाई हस्तान्तरण गरेका थिए।

अन्तरक्रिया कार्यक्रममा जिल्ला प्रहरी बाँकेका डीएसपी आयुश जोशी, जिल्ला प्रहरी बाँकेका इन्स्पेक्टरहरु, जुनियर प्रहरी अधिकृतहरु तथा अन्य प्रहरी कर्मचारीहरुको उपस्थिति रहेको थियो।