२ हजार पिस प्रतिवन्धित औषधि ल्याउँदै गर्दा नेपालगन्जको सीमाबाट पक्राउ परे कोहलपुरका दुई जना

नेपालगन्ज । नेपालगन्जको जमुनाहबाट प्रतिवन्धित औषधिसहित प्रहरीले दुई जनालाई पक्राउ गरेको छ।

बाँके प्रहरीको टोलीले नेपालगन्ज-१५स्थित जमुनाह नाकाबाट कोहलपुरका दुई जनालाई २ हजार पिस  प्रतिवन्धित औषधिसहित पक्राउ गरेको जिल्ला प्रहरीले बाँकेले जनाएको छ।

प्रहरीले उनीहरुलाई आइतबार साँझ रुपइडिहा बाट भे१०प २२५८ नम्बरको मोटरसाइकलमा आउँदै पक्राउ गरेको जानकारी दिएको छ। चेकजाँच का क्रममा प्रहरीले  कोहलपुर-१५ का छोटेलाल थारु र कोहलपुरकै भुन्सी थारुलाई पक्राउ गर्दै उनीहरुको साथबाट भोकेट नामको औषधि१ हजार पिस र निम्सुलाइड ट्यावलेट १ हजार पिस बरामद गरेको हो।

प्रहरीले बरामद गरेको औषधिसहित पक्राउ परेका दुबै जनालाई आबश्यक अनुसन्धानका लागि सोमबार औषधी व्यवस्था विभाग नेपालगन्जमा पठाएको जिल्ला प्रहरीले बाँकेले जनाएको छ।