बाँकेको कोहलपुरबाट ब्राउन सुगरसहित १९ वर्षीय युवक पक्राउ

बाँके। बाँके प्रहरीले लागू औषधसहित एक युवकलाई पक्राउ गरेको छ।

प्रहरी प्रधान कार्यालयका अनुसार कोहलपुर नगरपालिका–४ गुवा गाउँबाट अवैध लागू औषध ३ सय ८० मिलिग्राम ब्राउन सुगरसहित सोही ठाउँ बस्ने १९ वर्षीय राजीप थारू पक्राउ परेका हुन्।

इलाका प्रहरी कार्यालय कोहलपुरबाट खटिएको प्रहरी टोलीले थारूलाई उक्त लागू औषधसहित नियन्त्रणमा लिएको हो।

सोमबार पक्राउ परेका राजीपविरुद्ध घटनाबारे कोहलपुर प्रहरीले थप अनुसन्धान गरिरहेको प्रहरी प्रधान कार्यालयले जनाएको छ।