ट्रकको ठक्करबाट स्कुटर सवार श्रीमतीको मृत्यु,श्रीमान गम्भीर घाइते

काठमाडौं । ट्रकले स्कुटरलाई ठक्कर दिँदा श्रीमतीको मृत्यु भएको छ भने श्रीमान गम्भीर घाइते भएकी छन् ।

भक्तपुरको मध्यपुरथिमि नगरपालिका- ३ गठ्ठाघरचोकमा आज भक्तपुरबाट काठमाडौंतर्फ गइरहेको ट्रकले स्कुटरलाई ठक्कर दिँदा त्यसमा सवार भक्तपुर नगरपालिका-५ द्यौलाबस्तीका जिते द्यौला गम्भीर घाइते भएका छन् भने निजकी श्रीमती नवीनाको मृत्यु भएको प्रहरीले जानकारी दिएको छ। 

गम्भीर घाइते जितेको नागरिक कम्युनिटी अस्पताल गठ्ठाघरमा उपचार भइरहेको छ । 

प्रहरीले ट्रक र चालक मकवानपुरगढी गाउँपालिका-४ का बुद्धबहादुर घलानलाई नियन्त्रणमा लिएर थप अनुसन्धान सुरु गरेको जानकारी दिएको छ।