बर्दियामा गोहीको आक्रमणबाट महिलाको मृत्यु

बर्दिया । कर्णाली नदीमा माछा मार्न गएकी एक महिलाको गोहीको आक्रमणमा परी ज्यान गएको छ। मधुवन नगरपालिका–३ की ४५ वर्षीया पुष्पा लामिछानेको शव प्रहरीले राति फेला पारेको हो।

शुक्रबार बिहान घरबाट माछा मार्न निस्किएकी लामिछाने लामो समयसम्म सम्पर्कमा नआएपछि उनको खोजी सुरु गरिएको थियो। खोजीका क्रममा राजापुर क्षेत्रको कोठियाघाटमा उनी गोहीको आक्रमणमा परेको खुलेको प्रहरीले जनाएको छ।

इलाका प्रहरी कार्यालय राजापुरका प्रमुख डीएसपी होमप्रकाश चौधरीका अनुसार गोहीले महिलालाई आक्रमण गरेपछि नदीभित्रै राखेको थियो। राति करिब ११ बजे गोहीले शव नदीको किनारतर्फ ल्याएपछि प्रहरीले निकालेको हो।

घटनाबारे प्रहरीले थप जानकारी संकलन गरिरहेको छ।