नेभिगेशन
सशस्त्र प्रहरी

बर्खास्त भएका सशस्त्रका एआईजी वंशीराज दाहालको पुनरावेदन, मन्त्रिपरिषद्मा दिए निवेदन

काठमाडौँ । सरकारको निर्णयबाट बर्खास्त भएका सशस्त्र प्रहरी बलका अतिरिक्त महानिरीक्षक (एआईजी) वंशीराज दाहालले उक्त निर्णयविरुद्ध पुनरावेदन दिएका छन् ।

दाहालले दिएको पुनरावेदन निवेदन प्रधानमन्त्री तथा मन्त्रिपरिषद्को कार्यालयमा पुगेको प्रवक्ता सहसचिव हेमराज अर्यालले जानकारी दिएका छन् ।

संवेदनशील सूचना चुहाएको आरोपमा सरकारले गत असोज १९ गते दाहाललाई निलम्बन गरेको थियो । त्यसपछि छानबिन समिति गठन गरी अनुसन्धान गरिएको थियो । समितिको छानबिनपछि असोज २३ गते उनलाई पदबाट बर्खास्त गर्ने निर्णय गरिएको थियो ।

बिचौलिया इनाम सापकोटासँग दाहालको मोबाइलमा सम्पर्क देखिएको तथा प्रधानमन्त्रीसँग सम्बन्धित सूचना चुहाएको आरोप उनीमाथि लागेको थियो । 

प्रकाशित मिति:
प्रतिक्रिया दिनुहोस्