पिकअप भ्यानको ठक्करबाट तुलसीपुरमा एक महिलाको मृत्यु

दाङ  । दाङको तुलसीपुरमा पिकअप भ्यानको ठक्करबाट तुलसीपुरमा एक महिलाको मृत्यु भएको छ। प्रहरीका अनुसार मृत्यु हुनेमा लमही नगरपालिका-५ की ५० वर्षीया लीला भुसाल रहेकी छिन् ।

इलाका प्रहरी कार्यालय तुलसीपुरका अनुसार तुलसीपुरबाट घोराहीतर्फ जाँदै गरेको रा ७ प ११३५ नम्बरको स्कुटरलाई विपरीत दिशाबाट आउदै गरेको रा १ च १३०० नम्बरको पिकअप भ्यानले तुलसीपुर–७ हात्तिखौवा ओरालोमा ठक्कर दिंदा दुर्घटना भएको हो ।

दुर्घटनामा परी गम्भीर घाइते भएकी लीलाको राप्ती प्रादेशिक अस्पताल तुलसीपुरमा उपचारकै क्रममा मृत्यु भएको तुलसीपुरले जानकारी दिएको छ ।स्कुटर चालक मृतककै छोरा २७ वर्षीय निमलाल भुसाल सामान्य घाइते भएको प्रहरीले जनाएको छ ।

पिकअप र स्कुटरलाई नियन्त्रणमा लिएको र पिकअप चालक फरार रहेकाले खोजी भइरहेको इलाका प्रहरी कार्यालय तुलसीपुरले जनाएको छ ।