जानकीमा मानव बेचबिखनविरुद्ध अभिमुखीकरण
नेपालगञ्ज । बाँकेको जानकी गाउँपालिकाले मानव बेचबिखन तथा ओसारपसारविरुद्ध अभिमुखीकरण कार्यक्रम सञ्चालन गरेको छ । जानकी गाउँपालिका महिला बालबालिका तथा जेष्ठ नागरिक शाखाको आयोजनामा मानव बेचबिखन तथा ओसारपसारविरुद्ध दुई दिने अभिमुखीकरण कार्यक्रम सञ्चालन गरिएको हो ।
कार्यक्रममा गाउँपालिकाका प्रमुख प्रशासकीय अधिकृत नर वहादुर विकले सहभागी महिलाहरुलाई भत्ता महत्वपूर्ण नभई राम्रो कुरा सिकेर समाजलाई सचेत बनाउने भूमिका खेल्नका लागि आग्रह गरे । गाउँपालिकाका सामाजिक विकास समिति संयोजक रामआचल धोवीले जानकीका महिलाहरु मानव बेचबिखन तथा ओसारपसारमा नफसुन् भनेर नै अभिमुखीकरण कार्यक्रम सञ्चालन गरिएको बताए ।
महिला बालबालिका तथा जेष्ठ नागरिक शाखाकी प्रमुख कल्पना गाहाले सञ्चालन गरेको कार्यक्रममा गाउँपालिकाकी उपाध्यक्ष रामप्यारी यादव, प्रमुख प्रशासकीय अधिकृत विक, सामाजिक विकास समिति संयोजक धोवी, कार्यपालिका सदस्यहरु कमलादेवी यादव र निर्मला हरिजन, योजना शाखाकी प्रमुख शोभा पौडल, प्रशासन प्रमुख गोपीचन्द्र चौलागाईं, महिला बालबालिका तथा जेष्ठ नागरिक शाखाकी सविता श्रेष्ठ लगायतको उपस्थिति रहेको थियो ।
अभिमुखीकरण कार्यक्रमको प्रशिक्षकमा माइती नेपालका संयोजक केशव कोइराला छन् । अभिमुखीकरणमा ४० जना प्रशिक्षार्थीहरुको सहभागिता रहेको छ । आजदेखि सुरु भएको कार्यक्रम भोलि सकिनेछ ।
इन्सास राइफलसहित लुटपाट भएका हातहतियार र गोलीगठ्ठा बरामद
शुक्रबार, पुस ४, २०८२
नाबालिकालाई वेश्यावृत्तिमा लगाएको आरोपमा ५ जना पक्राउ, ८ जनाको उद्धार
बिहीबार, पुस ३, २०८२
- त्रिभुवन अन्तर्राष्ट्रिय विमानस्थलबाट गाँजासहित दुई भारतीय नागरिक पक्राउ
- नेपालगञ्जबाट २०५ थान तस्करीको मोबाइलसहित जीप र चालक बाँके प्रहरीको नियन्त्रणमा
- देशभरमा १६ सय ९६ फरार प्रतिवादी पक्राउ, ६४१ वर्षभन्दा बढी कैद र १२ करोड बढी जरिवाना असुलउपर
- व्यावसायिकतासाथ कार्यक्षेत्रमा लाग्न सशस्त्र प्रहरी प्रमुख अर्यालको निर्देशन
- नेपालगञ्ज बजारबाट ५४ ग्राम ब्राउन सुगरसहित सुवोध र यामबहादुर पक्राउ
