ग्यास सिलिन्डर लिक भएर आगलागी हुँदा दिदीभाइको मृत्यु

कपिलवस्तु । खाना बनाउने क्रममा ग्यास सिलिन्डर लिक भएर आगलागी हुँदा दिदीभाइको मृत्यु भएको छ।

 कपिलवस्तुको शुद्धोदन गाउँपालिकाको जयनगरमा  ग्यास सिलिन्डर लिक भएर  आगलागी हुँदा दिदी  १८ वर्षीय सोनम यादव र उनका भाइ शिवकुमार यादवको मृत्यु भएको जिल्ला प्रहरी कार्यालय कपिलवस्तुले जानकारी दिएको छ।

कपिलवस्तु प्रहरीका अनुसार आगलागीबाट गम्भीर घाइते भएकी सोनमको  युनिभर्सल मेडिकल कलेज भैरहवामा    उपचारका क्रममा र शिवकुमारको उपचारका लागि भारतको गोरखपुर लैजाने क्रममा लैजाँदा बाटोमै मृत्यु भएको हो ।

कपिलवस्तु प्रहरीले घटनाबारे थप अनुसन्धान भइरहेको जनाएको छ।