ब्रेक फेल भएको बसले ठक्कर दिंदा दुई पैदलयात्रीको मृत्यु,दुईको अवस्था गम्भीर

काठमाडौं  । ब्रेक फेल भएर बस दुर्घटना हुँदा दुई जनाको मृत्यु भएको छ। प्रहरीका अनुसार मकवानपुरको थाहा नगरपालिका-३ मा आज साँझ ७ बजे त्रिभुवन राजपथ सडकखण्डको गोपाली गाउँबाट पालुङको थानाबजारतर्फ जाँदै गरेको बा ३ ख ५९९० नम्बरको बस ब्रेक फेल भई सडकमा हिंडिरहेका  दुई पैदलयात्रीलाई ठक्कर दिदा मृत्यु भएको हो।

मृत्यु हुनेमा  ४० वर्षीय कृष्ण बलामी र लोकेन्द्रकुमार ठाकुर रहेका छन। मृतक दुबैको हालसम्म सनातन हुन नसकेको प्रहरीले जनाएको छ। बसको ठक्करबाट अन्य ४ जना घाइते भएका छन् । घाइते ४ मध्ये अन्दाजी ३६ वर्षीय रघुनन्दन यादव र कमलेशकुमार साहको स्वास्थ्य अवस्था गम्भीर रहेको बताइएको छ। उनीहरूलाई थप उपचारका लागि काठमाडौंस्थित ट्रमा सेन्टर पठाइएको प्रहरीले  जानकारी दिएको छ ।

मकवानपुर प्रहरीका अनुसार बारा जितपुरसिमरा उपमहानगरपालिका १७ बस्ने ३२ वर्षीय छेयाङ दोर्जे लामा र बारा कोल्हवी नगरपालिका-१ बस्ने ३० वर्षीय रामगुलाम चौधरीको अवस्था सामान्य रहेको छ।

प्रहरीले मकवानपुरको थाहा नगरपालिका-५ का २९ वर्षीय बसका चालक राजेश कार्कीलाई पक्राउ गरेर घटनाबारे थप  अनुसन्धान सुरु गरेको जानकारी दिएको छ ।