निकै आलोचना भएपछि गृह मन्त्रालयले रोक्यो अख्तियारका डीआईजी श्रेष्ठको सरुवा

काठमाडौं । निकै आलोचना भएपछि नेपाल प्रहरीका डीआईजी हिमालय कुमार श्रेष्ठको अख्तियार दुरुपयोग अनुसन्धान आयोगमै थमौती भएको छ। अवधि नपुगेर गरिएको श्रेष्ठको सरुवालाई अख्तियारले नै असन्तुष्टि जनाएपछि गृह मन्त्रालयले सरुवा रोकेको हो।

जेठ १३ गते डीआईजी बढुवा भएका ओमबहादुर रानालाई शुक्रबार दिउँसो अख्तियार दुरुपयोग अनुसन्धान आयोगमा पदस्थापन गरेर श्रेष्ठलाई उपत्यका प्रहरी कार्यालय काठमाडौंमा सरुवा गरिएको थियो। तर अवधि नपुगेर श्रेष्ठको उपत्यका प्रहरी कार्यालयमा सरुवा गरिएको भन्दै आलोचना हुँदा पुनः रानालाई उपत्यका प्रहरी कार्यालयमा पदस्थापन गरिएको हो।

विगत ६ महिनादेखि डीआईजी श्रेष्ठ अख्तियारमै कार्यरत छन् ।यससँगै हिमालय कुमार श्रेष्ठलाई रानीपोखरीमा सरुवा गरेपछि भिटिज भिसा प्रकरणमा अनुसन्धान गरिरहेको अवस्थामा सरुवा गरिएको भन्दै सामाजिक सञ्जालमा आलोचना भएको थियो । 

आलोचना बढेपछि गृहमन्त्री रमेश लेखकले शुक्रबार राति  पुनः अर्को निर्णय गर्दै डीआईजी श्रेष्ठलाई अख्तियारमै थमौती गरेर रानालाई उपत्यका प्रहरी कार्यालय काठमाडौंमा पदस्थापन गरेका हुन् । 

पछिल्लो सूचना -

पहिलो सरुवा सूचना -