मोटरसाइकल दुर्घटनामा ३६ वर्षीया महिलाको मृत्यु,चालक घाइते

काठमाडौं । मोटरसाइकल दुर्घटनामा ३६ वर्षीया महिलाको मृत्यु भएको छ भने मोटरसाइकल चालक घाइते भएका छन् ।

काठमाडौंको चन्द्रागिरि नगरपालिका-४ पानीघाटमा मकवानपुरको चित्लाङबाट काठमाडौं आउँदै गरेको मोटरसाइकल दुर्घटना हुँदा नुवाकोटको ककनी-१ की ३६ वर्षीया सुनिता बलामीको मृत्यु भएको प्रहरीले जनाएको छ।

प्रहरीका अनुसार बागमती गए राति  प्रदेश ०२–०१ प ८०६८ नम्बरको मोटरसाइकल दुर्घटनामा पछाडि सवार गम्भीर घाइते भएकी बलामीको सशस्त्र प्रहरी अस्पताल एपीएफ  बलम्बुमा उपचारको क्रममा मृत्यु भएको प्रहरीले जानकारी दिएको छ।

दुर्घटनामा परेको मोटरसाइकलका नुवाकोटको ककनी-१ घर भएका चालक मानबहादुर बलामी घाइते छन् भने  उनको सशस्त्र प्रहरी अस्पतालमा उपचार भइरहेको प्रहरीले जनाएको छ।  मोटरसाइकल भने थानकोट प्रहरी वृत्तमा छ ।