राति खोलामा माछा मार्न गएका युवकको गोहीको आक्रमणबाट मृत्यु

काठमाडौं । राति खोलामा माछा मार्न गएका  युवकको गोहीको आक्रमणबाट मृत्यु भएको छ ।

चितवनको रत्ननगर नगरपालिका–८ का  २७ वर्षीय अभिषेक माझीको गोहीको आक्रमणबाट मृत्यु भएको प्रहरीले जानकारी दिएको छ।

चितवन प्रहरीका अनुसार राति सवा १ बजे अभिषेक र सोही स्थानका ४५ वर्षीय राजकुमार माझी  सौराहा नजिक चित्रसारी बुढीराप्ती खोलामा माछा मार्न गएका थिए । माछा मार्दै गर्दा अभिषेकलाई गोहीले तानेर खोलामा लगेको प्रहरीले जनाएको छ।

घटना भएको स्थानदेखि करिब २ सय मिटर उत्तरमा अभिषेकको मृत शव फेला परेको जिल्ला प्रहरी कार्यालय चितवनले जानकारी दिएको छ।