छुट्टाछुट्टै सवारी दुर्घटनामा पाँच जनाको मृत्यु

काठमाडौँ।  देशका विभिन्न स्थानमा भएका सवारी दुर्घटनामा परी पाँच जनाको मृत्यु भएको छ भने ३१३ जना घाइते भएका छन्। प्रहरी प्रधान कार्यालयका अनुसार काठमाडौँ, सुनसरी, मकवानपुर, मोरङ र तनहुँमा यी दुर्घटनाहरू भएका हुन्।

काठमाडौँको टेकुस्थित अम्बे कम्प्लेक्स नजिकै  बा प्र ०२–०६३ प ९०९६ को मोटरसाइकलको ठक्करबाट घाइते भएका ४५ वर्षीय भारतीय नागरिक परमानन्द बैठाको त्रिवि शिक्षण अस्पतालमा उपचारका क्रममा मृत्यु भएको छ। 

त्यस्तै सुनसरीको इटहरी–४ हलगडास्थित कोशी लोकमार्गमा  प्र १–०२–००१ ख ९९८५ नम्बरको बस ले मोटरसाइकल को २७ प २०३६नम्बरको बसले  ठक्कर दिँदा ६२ वर्षीय मोटरसाइकल चालक छत्रबहादुर भण्डारीको मृत्यु भएको प्रहरी प्रधान कार्यालयले जनाएको छ।

यसैगरी मकवानपुरको बकैया गाउँपालिका–५ श्रीपुरमा अटो बा प्र ०८–००१ ह ०१०५ को ब्रेक फेल भई दुर्घटना हुँदा ४५ वर्षीय सन्तबहादुर माझीको मृत्यु भएको छ। मोरङको लेटाङ नगरपालिका–५ डिल्लेचोकमा मोटरसाइकल ९प्र १–०१–२४५ प ६३८०० को ठक्करबाट ७० वर्षीय बलबहादुर विकको मृत्यु भएको प्रहरी प्रधान कार्यालयले जनाएको छ। 

तनहुँको व्यास नगरपालिका–१ अम्रेनीमा गाडी ९बा १८ च ४५८७० को ठक्करबाट करिब ४० वर्षीय एक पुरुषको मृत्यु भएको छ, जसको पहिचान अझै खुल्न सकेको छैन।  सम्बन्धित घटनाका बारेमा प्रहरीले आवश्यक अनुसन्धान गरिरहेको प्रहरी प्रधान कार्यालयले जनाएको छ।