विषालु सर्पले डसेर नाबालिकाको मृत्यु

कपिलवस्तु । विषालु सर्पले डसेर १४ महिनाकी नाबालिकाको मृत्यु भएको छ। 

कपिलवस्तुको महाराजगन्ज नगरपालिका-२ मा सर्पको डसाइबाट स्थानीय झगरु पासवानकी १४ महिनाकी छोरी सङ्गीता पासवानको मृत्यु भएको हो।

घरमा सुतेको अवस्थामा उनलाई विषालु सर्पले डसेको थियो । उपचारका लागि उनलाई बहादुरगन्ज अस्पताल लगिएको थियो। तरा त्यहा उनको उपचार हुन नसकेपछि थप उपचारका लागि गोरुसिङ्गेस्थित सर्पदंश उपचार केन्द्रमा लगिएको थियो ।

उनको उपचारको क्रममा मृत्यु भएको गोरुसिङ्गे सर्पदंश उपचार केन्द्रले जानकारी दिएको छ।