विषालु सर्पले डसेर पूर्व प्रधानाध्यापकको मृत्यु

लमही । दाङको देउखुरीमा सर्पले डसेर एक जनाको मृत्यु भएको छ । जिल्लास्थित राजपुर गाउँपालिका-३ खरदरीयास्थित शंकर माध्यमिक विद्यालयका पूर्व प्रधानाध्यापक ५५ बर्षीय शालिकराम यादवको सर्पले डसेर मृत्यु भएको हो ।

यादबलाई खरदरीयास्थित आफ्नै घरको आँगनमा बिहान ५ बजेतिर योगा गर्ने क्रममा विषालु सर्पले डसेको थियो ।

जिल्ला प्रहरी कार्याल दाङका अनुसार यादवलाई उपचारका लागि घोराहीस्थित राप्ती स्वास्थ्य बिज्ञान प्रतिष्ठानमा ल्याइएको थियो ।

उपचारका क्रममा सोमबार  बिहान साढे ८ बजेतिर उनको मृत्यु भएको प्रहरीले जानकारी दिएको छ ।