यात्रुबाहक बस दुर्घटना हुँदा १ जनाको मृत्यु,१३ जना घाइते

लुम्बिनी । पूर्व पश्चिम् राजमार्ग अन्तर्गत बुटवल- नारायणगढ सडकमा  यात्रुबाहक बस दुर्घटना हुँदा एक जनाको मृत्यु भएको छ। 

आज बुटवलबाट नारायणगढतर्फ जाँदै  गरेको लु २ ख ६५७ नम्बरको बस नवलपरासीको बर्दघाट नगरपजादै-५ शान्तिनगर चोकमा दुर्घटना हुँदा एक जनाको मृत्यु भएको छ भने १३ जना घाइते भएको प्रहरीले जानकारी दिएको छ।

प्रहरीका अनुसार दुर्घटनामा परी मृत्यु हुने पुरुषको पहिचान खुल्न बाँकी रहेको छ।

प्रहरीले घाइतेमध्ये १२ जनाको उद्धार गरी रुपन्देही पठाएको छ भने  बाँकीको चिसापानी अस्पतालमा उपचार भइरहेको जनाएको छ।