नेपाल प्रहरीमा महिलाको संख्या २० प्रतिशत पुर्‍याउने योजना छ: आईजीपी थापा

काठमाडौं ।  नेपाल प्रहरीमा महिलाको प्रतिस्पर्धा उच्च रहेको प्रहरी प्रमुख आईजीपी दीपक थापाले बताएका छन् । 

आईजीपी थापाले प्रथम महिला प्रहरी सम्मेलन २०८२ उद्घाटन समारोहमा सो कुरा बोल्दै महिला प्रहरीहरूले प्रभावकारी र गुणात्मक काम गरिरहेको बताएका हुन्  ।

नेपाल प्रहरीमा महिला प्रहरीको प्रतिस्पर्धा उच्च रहेको आईजीपी थापाले बताए । थापाले भने, ‘हाल १२ प्रतिशत भन्दा बढी महिला सङ्गठनमा छन्, प्रतिस्पर्धा उच्च छ ।’

प्रहरीमा महिला कर्मचारीको सङ्ख्या ९ हजार २७८ भए पनि त्यसमा सन्तोष मानेर बस्ने अवस्था नभएको उनले बताए । उनले भने, ‘परिणाममा २० प्रतिशत पुर्‍याउने गरी योजना बनाउने छौँ ।’

सम्मेलन महिला प्रहरीको सशक्तीकरणमा केन्द्रित रहेको  आईजीपी थापाले बताए । उनले भने, ‘सम्मेलन ज्ञान प्रेरणा र परिवर्तनको संवाहक बन्न सकोस् ।’

२००८ सालामा जवानमा भर्ना भएर असईमा अवकाश पाउने चैतमाया डङ्गोललाई सम्मेलनमा सम्मान गरिएको छ । डङ्गोल ३१ वर्ष  सेवा गरेर अवकाशमा गएकी थिइन्। उनको त्यसबेलाको पद अहिलेको डीआईजी बराबर रहेको आईजीपी थापाले बताएका हुन्  ।