ब्राउन सुगरसहित अनिल बर्दिया प्रहरीको नियन्त्रणमा

बर्दिया । जिल्ला प्रहरी कार्यालय बर्दियाले ब्राउन सुगरसहित बर्दियाका एक युवकलाई पक्राउ गरेको छ । 

जिल्लाको गुलरिया नगरपालिका-११ लालपुर चोक नजिकै पुर्व पश्चिम हुलाकी राजमार्ग सडकखण्डबाट गुलरिया- ४ का २८ वर्षीय अनिल गोडियालाई ब्राउन सुगरसहित पक्राउ गरेको जिल्ला प्रहरी कार्यालय बर्दियाले जानकारी दिएको छ।

बर्दिया प्रहरीका अनुसार अनिललाई चेकजाँच गर्ने क्रममा उनको साथबाट ६९० मिलिग्राम ब्राउन सुगर फेला परेको थियो।

ब्राउन सुगरसहित पक्राउ परेका अनिलविरुद्ध बर्दिया जिल्ला अदालतबाट ५ दिनको म्याद लिएर लागुऔषध कसुरमा थप अनुसन्धान अगाडि बढाइएको जिल्ला प्रहरी कार्यालय बर्दियाले जनाएको छ।