चन्द्रकुवेर खापुङ नेपाल प्रहरीको ३२ औं आईजीपी नियुक्त

काठमाडौँ । नेपाल प्रहरीको ३२ औं प्रहरी प्रमुखमा चन्द्रकुवेर खापुङ नियुक्त भएका छन।

सरकारले एआईजी खापुङलाई प्रहरीको ३२ औँ प्रहरी महानिरीक्षक (आईजीपी)  नियुक्त गर्ने निर्णय गरेको हो। आजको मन्त्रिपरिषद् बैठकले एआईजी खापुङलाई भदौ १९ गते देखि लागु हुने गरी  आईजीपीमा नियुक्त गर्ने निर्णय गरेको हो ।

प्रहरीको ३० वर्षे सेवा अवधि पूरा भएपछि वर्तमान आईजीपी दीपक थापा यसै महिनाको १८ गते अवकाशमा जाँदै छन् । थापा २०८१ चैत ४ मा ३१ औँ आईजीपी नियुक्त भएका थिए ।

३२ औं आईजीपी नियुक्त भएका खापुङ आईजीपीका लागि एकल दाबेदार रहेका थिए । प्रहरीको केन्द्रीय अनुसन्धान ब्यूरो (सीआईबी(का प्रमुख खापुङ २०५२ कार्तिक २७ मा इन्स्पेक्टरमा नियुक्ति लिएका थिए । यदि प्रहरीको ३० वर्षे सेवा अवधि नहटे खापुङ आगामी कात्तिक २६ गते अवकाश जानेछन् ।