१७ महिना कैद सजाय पाएका चोरी मुद्दाका फरार प्रतिवादी सत्यमान पक्राउ

काठमाडौं । प्रहरीले चोरी मुद्दाका एक फरार प्रतिवादीलाई पक्राउ गरेको छ।

पक्राउ पर्नेमा काभ्रेको चौरी देउराली गाउँपालिका-४ घर भएर हाल काठमाण्डौंको कागेश्वरी मनोहरा नगरपालिका-८ बस्ने सत्यमान लामा रहेका छन् ।

काठमाडौं जिल्ला अदालतले २०८१ बैशाख ७ गते  सत्यमान दोषी ठहर गर्दै १ बर्ष ५ महिना ३ दिन कैद र १५ हजार रुपैयाँ जरिवानाको फैसला सुनाएको थियो। फैसला पश्चात्  फरार रहेका उनलाई काठमाडौं उपत्यका अपराध अनुसन्धान कार्यालय टेकुले मकबारीबाट पक्राउ गर्न सफल भएको हो।

पक्राउ परेका सत्यमानलाई आबश्यक कारबाहीका लागि काठमाडौं जिल्ला अदालत पठाइएको उपत्यका अपराध अनुसन्धान कार्यालयले जानकारी दिएको छ।