नेभिगेशन
नेपाल प्रहरी

बाँके र बर्दियाबाट लागुऔषधसहित दुई युवक प्रहरीको नियन्त्रणमा

काठमाडौं । बाँके र बर्दियाबाट लागुऔषधसहित प्रहरीले दुई जना युवकलाई पक्राउ गरेको छ। लागुऔषधविरुद्धको कारबाहीमा प्रहरीले बाँकेको नेपालगन्जबाट ७ सय ८० ट्याब्लेट नाईट्राजेपाम २५ वर्षीय युवकलाई पक्राउ गरेको हो।

नेपालगन्ज-२० राँझा चोकबाट राँझा प्रहरी बिटलेजुम्लाको सिँजा गाउँपालिका-७ का २५ वर्षीय नवीन तिवारीलाई शनिबार साँझ पक्राउ गरेको जिल्ला प्रहरी कार्यालय बाँकेले जानकारी दिएको छ।

त्यसैगरी बर्दिया प्रहरीले बढैयाताल गाउँपालिका-७ कण्ठपुरबाट८ सय मिलिग्राम ब्राउनसुगर सहित  बाँसगढी नगरपालिका-५ का २९ वर्षीय सुबाश वलीलाई गए राति प्रहरीले पक्राउ गरेको छ ।

जिल्ला प्रहरी कार्यालय बर्दियाका अनुसार इलाका प्रहरी कार्यालय मैनापोखरबाट खटिएको प्रहरीले भारतबाट नेपालतर्फ पैदल आउँदै गरेका उनलाई उक्त पदार्थ सहित पक्राउ गरेको हो । 

लागुऔषधसहित पक्राउ गरेका दुबै जनासँग सम्बन्धित प्रहरी कार्यालयले थप अनुसन्धान सुरु गरेको बताइएको छ।

प्रकाशित मिति:
प्रतिक्रिया दिनुहोस्