त्रिभुवन अन्तर्राष्ट्रिय विमानस्थलबाट डेढ किलो गाँजासहित भारतीय नागरिक पक्राउ

काठमाडौं । त्रिभुवन अन्तर्रााष्ट्रिय विमानस्थलबाट प्रहरीले साढे १ किलो बढी गाँजासहित एक भारतीय नागरिकलाई पक्राउ गरेको छ।

एयर एसियाको उडानद्वारा बैंककबाट काठमाडौं अवतरण भएका ४० वर्षीय भारतीय नागरिक मत्रा पथरत अली अकबरलाई १ किलो ७०८ ग्राम गाँजासहित त्रिभुवन अन्तर्राष्ट्रिय विमानस्थल भन्सार एरियाबाट प्रहरीले पक्राउ गरेको हो।

त्रिभुवन अन्तर्राष्ट्रिय विमानस्थल प्रहरीका अनुसार ती भारतीय नागरिक मत्रालाई विमानस्थल सुरक्षा कार्यालय र भन्सार कार्यालयबाट खटिएको टोलीले पक्राउ गरेको हो। 

गाँजासहित पक्राउ परेका मत्रालाई आवश्यक अनुसन्धान तथ कारवाहीको लागि लागुऔषध नियन्त्रण ब्यूरो कार्यालय कोटेश्वर  पठाइएको त्रिभुवन अन्तर्राष्ट्रिय विमानस्थल प्रहरी कार्यालयले जानकारी दिएको छ।